ALUMNADO DE 6ºEP PARTICIPARÁ NA SPRING WEEK

O CEIP Plurilingüe O Pombal foi un dos 53 centros de ensino galegos seleccionados para participar na Spring Week, un programa de inmersión lingüística en lingua inglesa. 

Durante unha semana de maio, 25 alumnas e alumnos de 6º de Primaria convivirán acompañad@s por unha profesora do cole no centro residencial de Os Peares (Ourense) para mellorar inglés. Con actividades lúdicas e de lecer, clases dinámicas e obradoiros, monitores/as e profesorado nativo buscarán unha mellora no nivel de inglés.

O programa é de balde, pois está financiado pola Consellería de Educación, como anunciou no portal educativo.

Velaquí a presentación exposta na xuntanza de familias para explicar o programa e outros materiais interesantes. 

ARQUIVOS:

📹Vídeo da presentación

👉 Programa completo

👅 Menú semanal

✅ Documento informativo para as familias

CATEDRAL DE SANTIAGO

O alumnado de 5º converteuse en arquitecto! Logo de visitar Santiago de Compostela traballamos as proporcións, liñas e sombras para recrear a súa famosa Catedral.

Velaquí unha mostra do incrible traballo destes pequen@s grandes artistas!

ST. VALENTINE'S DAY / DÍA DE SAN VALENTÍN

Some corners got full of original and beautiful hearts for this St Valentine's Day. Love is in the air!!!

PEACE DAY 2025

Con apertas, poesías e a tradicional carreira pola contorna do cole, un ano máis no CEIP Plurilingüe O Pombal volvimos pedir a paz mundial.

En inglés tamén contribuímos con murais e actividades que fixemos nos diferentes cursos.

Tamén deixamos un vídeo en inglés onde os nenos e nenas de Gaza explican que significa a paz para eles/as.

AGASALLO NAVIDEÑO PARA ALFAFAR

Como mostra de empatía e solidariedade cos nenos e nenas de Valencia que sofriron a DANA recentemente, un misterioso paquete saíu do Pombal rumbo a Alfafar, Valencia...

Contén un detalliño que o alumnado de 5º, en representación de todo o cole, creou en Arts para que as nenas e nenos de 5º do CEIP La Fila en Alfafar penduren nas súas árbores e sintan un pouco de cariño nestas datas sinaladas coa traxedia tan próxima aínda.

Moito ánimo e forza, Valencia!

XA É NADAL NO POMBAL

Xa é Nadal no Pombal! Os corredores e aulas énchense de motivos navideños, árbores e postais. Velaquí unha pequena mostra...

WINTER HAS COME!

Chegou o frío! Para traballar o inverno o alumnado de 4º elaborou en Arts preciosos e xélidos bonecos de neve empregando cores, algodóns e mooooita imaxinación.

Se queres coñecer a tradicional canción do famoso "Frosty the Snowman" tes un vídeo con letra!

Aprende a pronunciar as palabras clave: cold, winter, snowman.

THANKSGIVING

 "Acción de grazas" é unha festa moi popular en Estados Unidos, case máis que o Nadal. Samara explicoulles como celebran esta data alí e os cursos de 1º e 2º fixeron uns simpáticos pavos, símbolo desta festa.

HALLOWEEN

Que medo que chega Halloween! As pantasmas, monstros, cabazas e arañas invaden o Pombal e todo indica que saíron das clases de 3º... Coidado, rapazada! 

WELCOME, SAMARA!

Xa temos connosco a Samara, a auxiliar de conversa que estará este curso no Pombal.

Procedente de Seattle, no estado de Washington (Estados Unidos), acompañará ao profesorado de Plástica e Inglés para enriquecer as clases co seu inglés nativo e cunha perspectiva cultural que como colexio plurilingüe interésanos moito.

Benvida ao Pombal, Samara!

PROGRAMA PLURILINGÜE DO POMBAL

Preme na imaxe para coñecer o noso Programa Plurilingüe.